एलए/जेटिआई जुनियर खुला लनटेनिस बुधबारदेखि
Published On : 21 August, 2018 12:17 pm
कठमाडौं, ५ भाद्र । लिटल एञ्जल्स स्कुल (एलए)को आयोजनमा एलए÷जेटिआई अन्तरबिद्यालय जुनियर खुला लनटेनिस प्रतियोगिता बुधबार देखि हुने भएको छ ।
एलएको हात्तिबनस्थित आफ्र्नै प्राङ्गणमा आयोजना हुने प्रतियोगितामा १९७ खेलाडीहरुले १२ स्वर्ण पदकका लागि प्रतिस्पर्धा गर्ने आयोजकले जनाएको छ । जसमा ४२ स्कुलका छात्रा तर्फ ७३ र छात्र तर्फ १२४ खेलाडीहरुले प्रतिस्पर्धा गर्ने छन् ।
प्रतियोगितामा छात्र तथा छात्रा दुवै यु –८, यु –९, यु –१०, यु –१२ मा एकल र यु –१४ तर्फ छात्र तथा छात्रा दुवै तर्फ एकल तथा जोडी स्पर्धामा प्रतिस्पर्धा गराईने छ ।
स्कुलले प्राप्त गर्ने ओभरअल अंकका आधारमा विजयी स्कुललाई रनिङ्ग ट्रफी प्रदान गरिने छ भने विजयी खेलाडीहरुले पदक तथा प्रमाण पत्र प्राप्त गर्ने छन् ।
प्रतिक्रिया दिनुहोस्