कस्तुरीको बीनासहित ठमेलबाट चार जना पक्राउ

काठमाडौं ।  कस्तुरीको बीनासहित ठमेलबाट चार जना पक्राउ परेका छन्। उनीहरुबाट प्रहरीले ३ वटा बीना समेत बरामद गरेको छ।

काभ्रे भुम्लुका दिपक नेपाली, रामेछाप गाेकुलग‌गाका अर्पण सुनुवार, रामेछाप बेथानका उज्वल पाण्डे र सल्यान कालागाउँका जीवन बस्नेतलाई प्रहरीले पक्राउ गरेको हो।

बुधबार साँझ ठमेलको ज्याठाबाट उनीहरुलाई पक्राउ गरिएको प्रहरीले जनाएको छ। ग्राहक बनेर गएको प्रहरीले उनीहरुलाई पक्राउ गरेको हो।

कस्तुरीको बीना निकै महंगो मूल्यमा अवैध कारोबार हुने गरेको छ।