विधायन व्यवस्थापन समितिको पहिलो बैठक, के भयो छलफल ?

काठमाडौं । संघीय संसद राष्ट्रियसभा अन्तरगतको विधायन व्यवस्थापन समितिको पहिलो बैठक मंगलबार बसेको छ ।

समितिका जेष्ठ सदस्य राधेश्याम अधिकारीको अध्यक्षमा बसेको बैठकमा सदस्यहरुबीच समितिको कार्यसूचिका विषयमा सामान्य छलफल गरिएको छ ।

बैठकमा बोल्दै समितिका जेष्ठ सदस्य अधिकारीले समितिको काम, कर्तव्य र अधिकारका विषयमा समितिका सदस्यहरुलाई जानकारी गराएका थिए ।

समितिको कार्य क्षेत्र भित्र राष्ट्रियसभामा प्राप्त विधेयकमाथि छलफल तथा विधेयक व्यवस्थापन, ऐन कार्यान्वयन मापन र अध्ययन, अनुसन्धान सम्बन्धि विषय रहेका छन् ।