खोलाले बस बगाउँदा १२ घाइते, दुईको अवस्था गम्भीर

काठमाडौं ।  दाङको ग्वारखोलामा आएको बाढीले बस बगाउँदा १२ जना घाइते भएका छन् भने घाइतेमध्ये दुई जनाको अवस्था गम्भीर छ ।

ग्वार खोलाले धनगढीबाट घोराही हुँदै तुलसीपुर आउँदै गरेको ना ४ ८१३६ नम्बरको बस बगाउँदा १२ जना घाइते भएका हुन् ।

बसमा सवार १२ जना यात्रु घाइते छन्। १० जनाको राप्ती अञ्चल अस्पताल तुलसीपुरमा उपचार भइराखेको प्रहरीले जनाएको छ । तुलसीपुर अञ्चल अस्पतालमा प्राथामिक उपचारपछि दुई घाइतेलाई भने थप उपचारको लागि नेपालगञ्ज रिफर गरिएको छ ।

गाडी चालकको अटेरिका कारण दुर्घटना भएको प्रहरीले जनाएको छ ।