कम्युनिटी शिल्ड फुटबलको उपाधि म्यानचेस्टर सिटीलाई

काठमाडौं । इङ्लिस फुटबलको नयाँ सिजन हिजोबाट सुरु भएको छ । सिजनको पहिलो प्रतियोगिता कम्युनिटी शिल्डको उपाधि म्यानचेस्टर सिटीले जितेको छ ।

अघिल्लो सिजनको एफ.ए कप विजेता चेल्सीलाई २-० ले हराउँदै प्रिमियर लिग च्याम्पियन सिटीले कम्युनिटि सिल्डको उपाधि जितेको हो ।

गएराती इङ्ल्यान्डको लण्डनस्थित वेम्बले रंगशालामा भएको खेलमा सिटीलाई विजयी गराउन अर्जेन्टाईनी स्ट्राईकर सर्जियो अगुएरोले दुवै गोल गरे ।

खेलको १३ औं मिनेटमा पहिलो गोल गरेका अगुएरोले ५८ औं मिनेटमा दोस्रो गोल गर्दै टोलीको जित पक्का गरे ।

इङ्लिस प्रिमियर लिग सुरु हुनुभन्दा अगाडि कम्युनिटी सिल्ड हुने गर्दछ ।

जसमा अघिल्लो सिनको प्रिमियर लिग र एफ.ए कप विजेतबीच प्रतिस्पर्धा हुने चलन छ ।