प्रि–सिजनमा बार्सिलोनाको लगातार दोस्रो हार

जागरण न्युज
(एजेन्सी) । स्पेनिस ला लिगा च्याम्पियन बार्सिलोनाले प्रि–सिजनमा लगातार दोस्रो हार बेहोर्न पुगेको छ । आइतबार बिहान बार्सिलोनाले इटालियन क्लब एसी मिलानसँग १–० ले पराजित भएको हो ।
यसअघि बार्सिलोना इटालियन क्लब रोमासँग ४–२ ले पराजित भएको थियो । बार्सिलोनाले पहिलो खेलमा भने इंग्लिस क्लब टोटनह्यामलाई ५–३ ले पराजित गरेको थियो ।
अमेरिका सान्ताक्लारास्थित लेभिस स्टेडियममा भएको खेलमा आन्द्रे सिल्भाले इन्जुरी समयमा गोल गरेपछि बार्सिलोनले लगातार दोस्रो हार बेहोर्न पुग्यो । प्रतिस्पर्धात्मक बनेको खेलमा दुवै टिमले गोल गर्ने मौकाहरु खेर फालेको थियो । दुवै टिमले दोस्रो रोजाईका खेलाडीलाई मैदान उतारेको थियो । अब बार्सिलोनाले सेभिल्लासँग खेल्नेछ ।

https://youtu.be/1gtwFwdtxEI