अपडेट- जाजरकोटमा पहिरो जाँदा एकै परिवारमा ४ जनाको मृत्यु, एकको जिवितै उद्दार

काठमाडौं । जाजरकोटको भेरी नगरपालिका–३ ठाँटीबजार नजिक पहिरो जाँदा एकै परिवारका ४ जनाको मृत्यु भएको छ। पहिरोले तीर्थ बोहरा र गोपाल सुनारको घर पुरेको हो।

बोहराको घरमा डेरा गरी बस्ने लालबहादुर लोहारकी श्रीमती, छोरी र दुई छोराको मृत्यु भएको छ। मृतकहरुको सनाखत हुन सकेको छैन।  लालबहादुर लोहारको भने जीवितै उद्धार गरी जिल्ला अस्पतालमा उपचार भइरहेको छ।

गोपाल सुनारको घरसमेत पुरिएकाले उद्दार कार्य जारी रहेको प्रमुख जिल्ला अधिकारी ललितकुमार बस्नेतले जानकारी दिए। अहिले घटनास्थलमा सेना, प्रहरी, सशस्त्र प्रहरी तथा स्थानीयको सक्रियतामा उद्दार कार्य जारी रहेको छ।