नेपाली महिला फुटबल टोलीले ओलम्पिक छनोट खेल्ने

काठमाडौं । नेपाली महिला राष्ट्रिय फुटबल टोलीले सन् २०२० मा जापानमा हुने टोकियो ओलम्पिकका लागि छनोट चरण खेल्ने भएको छ ।

अखिल नेपाल फुटबल संघ एन्फाका प्रवक्ता किरण राईका अनुसार महिला टोलीको ओलम्पिक छनोट खेल्ने तालिका यसअघि रहे पनि गत बिहिबारको बैठकले मात्र ओलम्पिक छनोट खेल्ने पक्का गरेको जानकारी दिए ।

एन्फाले साफ च्याम्पियनसिपका लागि खेलाडी छान्न गत हप्ता महिला राष्ट्रिय लिगको आयोजना गरेकामा अब छानिएको टिमले नै छनोट खेल्न पाउने छ ।

१८ टोली सहभागी हुने छनोटमा नेपाल समूह सी मा रहेको छ , नेपाल रहेको समूहमा भारत, बंगलादेश र म्यानमार रहेका छन् ।

ओलम्पिक छनोटको पहिलो चरणका खेलहरु कार्तिक १८ देखि २७ गतेसम्म हुनेछ ।

नेपालले पहिलो खेल कार्तिक २२ गते भारतसँग खेल्दै ओलम्पिक छनोटको शुरुवात गर्नेछ ।