पाइलटले मदिरा सेवन गरेर जहाज उडाउन खोजेपछि रोकियो

काठमाडौं– काठमाडौंबाट दुबईका लागि उड्न लागेको फ्लाई दुबईको एफजेड ७३७ कल साइनको  विमानका चालकले मदिरा सेवन गरेको पाइएको छ ।   पाइलटले मदिरा सेवन गरेको उडान रोकिएको विमानस्थलका प्रमुख राजकुमार क्षेत्रीले जानकारी दिए ।
विमानस्थल स्रोतका अनुसार आइतबार बिहान ९ः४० बजे विमान दूबई उड्न लागेको थियो ।

फ्लार्इ दूबईबाटै  आफ्ना विमान चालकको परीक्षण गर्न अनुरोध आएपछि पाइलटको स्वास्थ्य जाँच गरिएको र सो क्रममा मदिरा सेवन गरेको पाइएको थियो ।

यसैबीच विमानस्थलमा रोकिएको फ्लाई दुबईको जहाज बेलुकी ७ः२० बजे दुबई उड्ने भएको छ ।
दुबईबाट अर्का पाइलट आएपछि बेलुकी ७ः२० बजे नयाँ उडान तालिका तय भएको फ्लाई दुबईको नेपाल कार्यालयका स्टेशन म्यानेजर अबिक श्रेष्ठले जानकारी दिए ।