सुर्या लाइफको हकप्रद सेयर लिलामीमा, साउन १६ देखि २३ गतेसम्म आवेदन खुला

काठमाडौं। सुर्या लाइफ इन्सुरेन्सको ७४ हजार ३ सय ८४ कित्ता  हकप्रद सेयर लिलामीमा बिक्रि खुला हुने भएको छ ।

यसका लागि साउन १६ गतेदेखि आवेदन दिन सकिनेछ । साउन २३ गतेसम्म आवेदन दिन सकिने बिक्रि प्रबन्धक एनआइसी एसिया क्यापिटले जनाएको छ ।

सुर्या लाइफले यसअघि बैशाख ३१ गतेदेखि असार ३ गतेसम्म हकप्रद सेयर बिक्रि खुला गरेको थियो ।

सो समय बिक्रि नभएको संस्थापक समुह तर्फको ३ हजार २ सय ८९ कित्ता  र सर्वसाधारण समुह तर्फको ७१ हजार ९५ कित्ता हकप्रदका लागि आवेदन नपरेपछि अहिले लिलामीमा बिक्री गर्न लागेको हो ।

यस लिलामीको सेयरका लागि बिक्रि प्रबन्धक एनआइसी एसियाको कार्यालय बबरमहल र सुर्यालाइफ इन्सुरेन्सको उपत्यका बाहिरका शाखा कार्यालयबाट आवेदन दिन सकिने छ ।

सेयरको मूल्य प्रतिकित्ता सय रुपैयाँ तोकिएकाले आवेदन दिनेले सो भन्दा बढी मूल्य तोकेर बोलकबोल गर्नुपर्नेछ ।