ट्रिपरको ठक्करबाट एक जनाको मृत्यु, आक्रोशित सर्वसाधारणद्वारा ट्रिपरमाथि आगजनी

सोमवार, साउन ७, २०७५
काठमाडौं । बनेपाको चारदोबाटोमा ट्रिपरको ठक्करबाट मोटरसाइकल चालकको मृत्यु भएको छ । मृत्यु हुनेमा नमोबुद्घ नगरपालिका–४, खनालथोकका ४८ वर्षीय जीतबहादुर तामाङ रहेका छन् । घटनापछि बनेपा बजारमा तनावग्रस्त भएको छ । घटनापछि आक्रोशित सर्वसाधारणले ट्रिपरमाथि आगजनी गरेका छन् ।

जिल्ला प्रहरी कार्यालय, बनेपाका अनुसार काठमाडौंबाट धुलिखेलतर्फ जाँदै गरेको बा २ क ३९३४ नम्बरको ट्रिपरले सोही दिशामा रहेको बा ८३ प ५०७७ नम्बरको मोटरसाइकललाई ठक्कर दिएको थियो ।

ठक्कर दिने ट्रिपर चालकलार्इ इलाका प्रहरी कार्यालय, बनेपाले नियन्त्रणमा लिएको जनाइएको छ ।