रोकिएन सुन तस्करी, विमानस्थलमा साढे दुई किलो सुनसहित दुई भारतीय पक्राउ

काठमाडौँ । दुई किलो ६ सय ८० ग्राम अवैध सुनसहित दुई भारतीयलाई प्रहरीले पक्राउ गरेको छ । त्रिभुवन अन्तर्राष्ट्रिय विमानस्थलबाट दुई जना भारतीय नागरिकलाई प्रहरीले पक्राउ गरेको हो ।

पक्राउ पर्नेमा भारत दिल्ली घर भएका ३१ वर्षीय ईम्रान र भारत उत्तर प्रदेश घर भएका २१ वर्षीय अरीफ अली रहेको प्रहरीले जनाएको छ ।

थाई एयरको उडानद्वारा बैंककबाट काठमाडौं आएका उनीहरुले आफ्नो शरीर भित्र लुकाई छिपाई ल्याएको सुन बिमानस्थलको एराईभल गेटबाट प्रहरीले फेला पारी नियन्त्रणमा लिएको हो ।