नयाँबानेश्वर क्षेत्रमा आन्दोलनकारी र प्रहरीबीच झडप, केही घाइते
Published On : 21 July, 2018 11:14 am
काठमाडौं । अनशनरत् प्रा. डा. गोविन्द केसीको समर्थन गर्दै नेपाली कांग्रेसको भातृसंगठन तरुण दलले शनिबार नयाँबानेश्वरमा गरेकोे प्रदर्शनमा प्रहरीले हस्तक्षेप गरेको छ ।
प्रहरीको हस्तक्षेपपछि प्रदर्शन झडपमा परिणत हुन पुग्यो ।
झडपकाक्रममा तरुण दलका अध्यक्ष जितजंग बस्नेतसहित केही प्रदर्शनकारी र प्रहरी घाइते भएका छन् ।
प्रदर्शनकारीहरुले नयाँबानेश्वरको निषेधित क्षेत्र तोड्दै अगाडि बढ्नेक्रममा झडप भएको हो ।
तरुण दलका कार्यकर्ताले निषेधित क्षेत्र तोड्न खोजेपछि प्रहरीले अश्रुग्यास प्रहार गरेको थियो ।
माइतीघरबाट निस्किएको नागरिक समाजको जुलुसले नयाँबानेश्वमा कोणसभा गरिरहेका बेला तरुण दल पनि प्रदर्शन गर्न पनि त्यहाँ पुगेको थियो ।
प्रतिक्रिया दिनुहोस्