मध्य तथा पश्चिमका केही ठाउँमा ठूलो पानी पर्ने, अन्तको मौसम कस्तो ?

काठमाडौँ । देशका अधिकांश क्षेत्रमा बिहीबार आंशिकदेखि सामान्य बदली हुने जल तथा मौसम पूर्वानुमान महाशाखाले जनाएको छ ।

दिउँसो देशका केही स्थानमा हल्कादेखि मध्यम वर्षा हुने सम्भावना रहेको मौसमविद विभूति पोख्रेलले जानकारी दिइन् । काठमाडौँ उपत्यकासहित देशभरको मौसम दिनभर नै पूर्ण बदलीको अवस्थामा नरहने तर केही समय खुलेको जस्तो भए पनि बादल भने लाग्ने उनको भनाई छ ।

बेलुकातिर भने मनसुनी गतिविधि सक्रिय हुनेछ । राति देशभरको मौसम सामान्यदेखि पूर्ण बदली हुने र धेरै ठाउँमा पानी पर्ने सम्भावना छ । विशेष गरी मध्य र पश्चिमका केही ठाउँमा ठूलो पानी पर्ने सम्भावना पनि रहेको मौसमविद पोख्रेलले जानकारी दिएकी छन् ।