त्रिशूलीमा बस दुर्घटना, ६को मृत्यु ।

काठमाडौ । काठमाडौबाट अर्घाखाँचीको लागि छुटेका लु २ ख २९१ नं बस विहान करिब ९ः१५ बजे त्रिशूली नदीमा खस्दा ६ जनाको मृत्यु भएको छ । नौजना घाइते भएका छन् ।
बस चितवनको इच्छाकामना गाउँपालिका–३ चुम्लिङटारबाट त्रिशूलीमा खसेको हो । बस त्रिशूलीमा डुबेको अवस्थामा छ प्रहरी उपरीक्षक दीपक थापाले जानकारी दिनुभयो। उद्धारका लागि नेपाल प्रहरी, सशस्त्र प्रहरी र नेपाली सेनाको टोली उक्त घटनास्थलमा खटिएको छ ।