अनशनरत डा. गोविन्द केसीको स्वास्थ्य अवस्था नाजुक बन्दै

Dr. Govinda K.C., who is on a hunger strike, lies on a hospital bed at Teaching Hospital in Kathmandu, Nepal, Wednesday, April 1, 2015. Thousands of doctors in Nepal have stayed away from their work at clinics and hospitals to support the doctor who has been on a hunger strike for the past 10 days demanding reforms in medical education and services. (AP Photo/Niranjan Shrestha)

काठमाडौ । गत शनिबारदेखि जुम्लामा अनशनरत डा गोविन्द केसीको स्वास्थ्य झन् जटिल अवस्थामा रहेको जनाइएको छ ।

डा केसीको हातखुट्टा, टाउको, छाती दुख्ने समस्या बढ्दै गएको कर्णाली स्वास्थ्य विज्ञान प्रतिष्ठान जुम्लाका मेडिकल डाइरेक्टर डा. पूजन रोकायाले जानकारी दिए । “२४ घण्टामा २०० मिलिलिटर मात्र पिसाब भएको छ, स्वास्थ्य दैनिक रुपमा निकै खस्किदै गएकाले अवस्था खतरा छ,” रोकायले भने ।
बत्ती नभएको ठाउँमा मैनबत्ती बालेर अनशन गरिरहनुभएका डा केसीको सुरक्षा र स्वास्थ्य उपचारार्थ पहल गर्न मेडिकल टिमले प्रशासनलाई ध्यानाकर्षण गराइसकेको उनले बताए । स्वास्थ्य अवस्था खतरायुक्त भएकाले त्यसको जिम्मेवारी अब आफूहरुले नलिने उहाँले जनाए ।
डा केसीको सुरक्षा अवस्थामा निकै संवेदनशील भएर लागेको जुम्लाका प्रमुख जिल्ला अधिकारी विष्णु पौडेलले बताए । “डा केसीको माग जे जस्तो भएपनि आफ्नो ठाउँमा छन् र हामीले सम्मान गरेका छौँ, तर उहाँको मागलाई आन्दोलनको रुप दिएर हुलदंगा मच्चाउने, अपराधीकरणतिर लिन दुश्प्रयास गर्ने र शान्ति सुरक्षामा खलल पु¥याउनेलाई कडाइ गरेका छौँ,” प्रमुख जिल्ला अधिकारी पौडेलले भने ।