चितवनमा बस दुर्घटना एकको मृत्यु १८ जना घाइते

काठमाडौ । चितवनको खैरहनी नगरपालिका–१ मा आज बिहान गुडिरहेको बस अनियन्त्रित भई पल्टँदा एक जनाको मृत्यु र अठार जना घाइते भएका छन् ।
भैरहवाबाट भरतपुर हुँदै वीरगञ्ज जाँदै गरेको ना ७ ख ५११८ नम्बरको बस बिहान ६ः४५ बजे सडक छेउमा पल्टिएको जिल्ला प्रहरी कार्यालय चितवनले जानकारी दिएको छ ।

उक्त दुर्घटनाबाट मृत्यु हुनेमा चितवनको राप्ति नगरपालिका–५ बस्ने वर्ष १४ का सुनिल मिजार रहेको प्रहरीले जनाएको छ । मिजारको उपचारका क्रममा भरतपुर अस्पतालमा मृत्यु भएको हो ।

घाइतेहरुमध्ये १४ जनाको पुरानो मेडिकल कलेजमा उपचार भइरहेको र एकको अवस्था भने गम्भीर रहेको छ । त्यस्तै अन्य चार जनाको एलाईभ अस्पताल भरतपुरमा उपचार भइरहेको छ ।