बागलुङमा पहिरोले पुरेर एकै परिवारका ३ जनाको मृत्यु, अन्य स्थानमा पनि पहिरो

काठमाडौं । गएराती परेको अविरल वर्षाका कारणले पहिरो जाँदा बागलुङमा एकै परिवारका ३ जनाको मृत्यु भएको छ ।
राती अविरल वर्षापछि जिल्लाको बरेङ गाउँपालिका–१, लुरु भन्ने स्थानमा पहिरो गई घर पुरिंदा एकै परिवारका ३ जनाको मृत्यु भएको हो ।

जिल्ला प्रहरी कार्यालय, बागलुङका प्रमुख डीएसपी दीपक रेग्मीका अनुसार पहिरोमा पुरिएर विष्णुबहादुर क्षेत्री, विष्णुकुमारी क्षेत्री र सोनिया क्षेत्रीको मृत्यु जनाएको छ । पहिरोले नजिकैको अर्का घरमा पनि सामान्य क्षति पुगेको छ । तर मानवीय क्षति भने नभएको प्रहरीले जनाएको छ ।

बागलुङमा गएराति परेको अविरल वर्षाले अन्य स्थानहरुमा पनि क्षति पुर्याएको र विवरण आउने क्रम जारी रहेको प्रहरी प्रमुख रेग्मीले बताए । घर भत्किएका, पहिरो खसेका लगायतका क्षतिका खबर आए पनि अन्यत्र भने मानवीय क्षति नभएको उनले बताए । बागलुङमा गत वर्ष नि पहिरो जाँदा मानिसहरुको मृत्यु भएको थियो ।

प्रतिक्रिया दिनुहोस्