गोरखाको चुमनुब्रीमा बाढीले चार घर बगायो, मानविय क्षेत्र भएन
फाइल तस्बिर
काठमाडौं, २१ भदौ । गोरखाको चुमनुब्री गाउँपालिका९४ मा बाढीले चार घर बगाएको छ ।
गोरखाका डीएसपी राजकुमार श्रेष्ठका अनुसार गएराति तीन बजेतिर नाम्रुङ खोलामा आएको बाढीले वडा नम्बर९४ नाम्रुङका नुर्वु ओङ्ग्याल, उर्गेन छयोदेन, लाक्पा भुटी र दोर्जे ग्याल्जेनको घर बगाएको हो ।
बाढीबाट मानवीय क्षति भने नभएको डिएसपी राजकुमार श्रेष्ठले जानकारी दिए । बाढी आएको थाहा पाएपछि स्थानीयले भने भागेर ज्यान जोगाएका उनले बताए ।
मुहान भेगतिर खोला केही बेर थुनिएर लेदोसहित बाढी आएको हुन सक्ने सहायक प्रमुख जिल्ला अधिकारी नेत्रप्रसाद शर्माले जानकारी दिए ।
बाढीले सो गाउँपालिकाको वडा नम्बर९४ र वडा नम्बर९२ जोड्ने फलामको पुल समेत बगाएको उनले बताए ।
आइतबार बिहान ४स्४० बजेदेखि भने बाढीको बहाब कम भएको र अहिले खोला पहिलाकै अवस्थामा रहेको उनले बताए ।
सो खोला बूढीगण्डकीसँग मिसिने हुँदा बूढीगण्डकीको तटीय क्षेत्रका बासिन्दालाई सचेत रहन आग्रह गरिएको उनले बताए छ ।
प्रतिक्रिया दिनुहोस्