७७ वटै जिल्लाका काङ्ग्रेस सभापति हेटौंडामा

काठमाडौं । नेपाली काङ्ग्रेसका जिल्ला सभापतिहरुको भेला मकवानपुरको हेटौंडामा भोलिबाट सुरु हुने भएको छ ।

भेलाका लागि टाढा जिल्लाका सभापतिहरु मकवानपुर आइसकेका छन् भने नजिकका जिल्लाका सभापतिहरु मंगलबार बिहानसम्म आइपुग्ने स्रोतले जानकारी दियो ।

भेला व्यवस्थापन समितिका अनुसार भेलामा सहभागि हुने सभापतिहरुको आवास, खाना, र भेलाको समाचार प्रसारण गर्न संचार कक्षको समेत व्यवस्थापन गरिएको छ । सभापतिको भेला उद्घाटन अघि हेटौंडामै ‘मेरो रगत कसैको जीवनका लागि’ भन्ने नारासहित रक्तदान कार्यक्रम राखिएको छ । जसमा केन्द्रीय नेताहरुले समेत रक्तदान गर्नेछन् ।

सभापतिहरुको भेलाको पुर्व सन्ध्यामा सोमबारै अपरान्ह नेपाली कांग्रेसले मकवानपुर काङग्रेस पार्टी कार्यलय हेटौडामै केन्द्रीय समिति बैठक बोलाएको छ । बैठक सोमबार ४ बजेका लागि बोलाइएको छ ।