जर्मनी आज मेक्सिकोसंग भिड्दै

मस्को एजेन्सी । विश्वकप समूह ‘ई’ को पहिलो खेलमा आज साविक विजेता जर्मनी मेक्सिकोसंग भिड्दै छ । खेल नेपाली समयअनुसार रातिको ८ः४५ बजे सुरु हुने छ उक्त खेल लुज्निकी स्टेडियममा हुने छ ।

जर्मनी र मेक्सिकोको इतिहास हेर्ने हो भने यो एक पक्षीय रहेको छ । पछिल्ला ३ भेटमा जर्मनीले तीनै पटक जित हांसिल गरेको छ । आज पनि जर्मनी खेल आफ्नो पक्षमा पार्न कोशिस गर्ने छ ।

जर्मनीका लागि मेसुट ओजिल सामान्य घाइते रहेका थिए तर उनी यस खेलमा पुनरागमन गर्ने देखिएको छ । उनले अग्रपंक्तिमा मार्को रोयस, थोमस मुलर र युवा स्ट्राइकर टिमो वेर्नरलाई साथ दिने छन् ।