हाल देशभर मनसुनी वायूको प्रभाव, विभिन्न भूभागहरूमा हल्कादेखि मध्यम र भारी वर्षा

काठमाडौं, २० असार। हाल देशभर मनसुनी वायूको प्रभाव रहेको छ। जसको प्रभावले गण्डकी र कर्णाली प्रदेशका विभिन्न भूभागहरूमा वर्षा भएको मौसम पूर्वानुमान महाशाखाले जनाएको छ ।
महाशाखाका अनुसार पछिल्लो चौबीस घन्टामा कोशीदेखि सुदूरपश्चिम प्रदेशका विभिन्न भूभागहरूमा हल्कादेखि मध्यम र भारी वर्षा भएको छ।

सिन्धुपाल्चोकको ६५.४ मिलिमिटर, गोब्रेमा ६७.८ मिलिमिटर, संखुवासभाको चैनपुरमा ६८.२ मिलिमिटर, नुममा ६०।६, प्यूठानको सेउलीबाङमा ५०.६ मिलिमिटर वर्षा भएको छ।

शनिबार दिउँसो देशका हिमाली र पहाडी भू-भागमा साधारणतया बादल लाग्नेछ, तराई भू-भागमा आंशिक बादल लाग्ने पूर्वानुमान छ।

देशको हिमाली भू-भागको थोरै स्थानमा मेघगर्जनरचट्याङ्ग सहित मध्यमसम्मको वर्षारहिमपातको सम्भावना रहेको महाशाखाले जनाएको छ।

गण्डकी, लुम्बिनी, कर्णाली र सुदुरपश्चिम प्रदेशको पहाडी भू-भागको केही स्थान तथा कोशी र बागमती प्रदेशका पहाडी भू-भागका थोरै स्थानमा मेघगर्जनरचट्याङ्ग सहित मध्यमसम्म वर्षाको सम्भावना छ।

लुम्बिनी र सुदुरपश्चिम प्रदेशका तराई भूभागका थोरै स्थानमा तथा मधेश प्रदेशका साथै कोशी, बागमती र गण्डकी प्रदेशका तराई भू-भागका एक/दुई स्थानमा मेघगर्जनरचट्याङ्ग सहित मध्यमसम्मको वर्षाको सम्भावना रहेको महाशाखाले जनाएको छ।

शनिबार राति गण्डकी, लुम्बिनी, कर्णाली र सुदुरपश्चिम प्रदेशमा अधिकांश बादल लाग्ने, कोशी, मधेश र बागमती प्रदेशमा साधारणतया बादल लाग्ने पूर्वानुमान छ।

देशका हिमाली भू-भागका केही स्थानमा स्थानमा मेघगर्जनरचट्याङ्ग सहित मध्यमसम्मको वर्षारहिमपातको सम्भावना छ।

गण्डकी, लुम्बिनी, कर्णाली र सुदुरपश्चिम प्रदेशका पहाडी तथा तराई भू(भागका धेरै स्थानमा मेघगर्जनरचट्याङ्ग सहित मध्यमसम्मको वर्षाको सम्भावना छ। कोशी, मधेश र बागमती प्रदेशका पहाडी भू-भागका केही, तराई भू(भागका थोरै स्थानमा मेघगर्जनरचट्याङ्ग सहित मध्यमसम्मको वर्षाको सम्भावना छ। गण्डकी, लुम्बिनी, कर्णाली र सुदुरपश्चिम प्रदेशका पहाडी र तराई भू-भागको एक/दुई स्थानमा भारी वर्षाको सम्भावना रहेको महाशाखाले जनाएको छ।