अर्थमन्त्री डा. स्वर्णिम वाग्लेको दाबी: पूँजीगत खर्च सुधार हुने आश्वासन
काठमाडौं, १४ असार । अर्थमन्त्री डा. स्वर्णिम वाग्लेले चालु आर्थिक वर्षमा कमजोर देखिएको पूँजीगत खर्च आगामी वर्षदेखि उल्लेख्य रूपमा सुधार हुने दाबी गरेका छन्।
प्रतिनिधिसभामा उठेका प्रश्नहरूको जवाफ दिँदै उनले वर्तमान बजेट कार्यान्वयनको अवस्था कमजोर रहेको स्वीकार गरे। हालसम्म पूँजीगत खर्च ३५ प्रतिशत पनि नपुगेको उल्लेख गर्दै उनले यो अवस्था अब दोहोरिन नदिने प्रतिबद्धता व्यक्त गरे।
उनका अनुसार पूँजीगत खर्च वृद्धि गर्न सके राजस्व संकलनमा समेत सकारात्मक प्रभाव पर्नेछ। उनले नयाँ बजेटले विभिन्न सुधारका क्षेत्रहरूलाई समेटेको र त्यसको प्रभाव अर्को आर्थिक वर्षदेखि देखिने बताए।
उनले यो पनि स्पष्ट पारे कि सरकारले अहिले अघिल्लो सरकारद्वारा ल्याइएको बजेट कार्यान्वयन गरिरहेको हो। साथै शिक्षा र स्वास्थ्य क्षेत्रमा लगाइएका समता शुल्कले विपन्न वर्गलाई असर नगर्ने उनको दाबी थियो।
प्रतिक्रिया दिनुहोस्