फुटबल संस्कृति र आत्मविश्वासलाई जोड्दै ‘क्लियर मेन’ को नयाँ अभियान सार्वजनिक

काठमाडौं, असार ५ — नेपालमा फुटबल अब केवल मैदानभित्रको खेलमा सीमित नभई सामाजिक, डिजिटल र सांस्कृतिक अभिव्यक्तिको माध्यम बन्दै गएको सन्दर्भमा क्लियर मेन ले नयाँ अभियान सार्वजनिक गरेको छ।

ब्रान्डले ‘क्लियर हेडले खेलौ’ नामक अभियानमार्फत युवाहरूमा आत्मविश्वास, स्पष्ट सोच र सक्रिय जीवनशैलीलाई प्रोत्साहन गर्ने उद्देश्य राखेको जनाएको छ। यो अभियान आगामी FIFA World Cup 2026 सँगको विश्वव्यापी सहकार्यको हिस्सा भएको पनि बताइएको छ।

अभियानअन्तर्गत सीमित संस्करण ‘रोनाल्डो प्याक’ बजारमा ल्याइएको छ, जसमा विश्वप्रसिद्ध फुटबल खेलाडी क्रिस्टियानो रोनाल्डो को तस्बिर र हस्ताक्षर समावेश गरिएको छ। यस प्याकलाई फुटबलप्रतिको जोश, आत्मविश्वास र उत्कृष्ट प्रदर्शनको प्रतीकका रूपमा प्रस्तुत गरिएको छ।

क्लियर मेनले अभियानको मुख्य आकर्षणका रूपमा ‘क्लियर हेडले खेलौ’ एन्थम सार्वजनिक गरेको छ, जसलाई नेपाली हिप-हप कलाकार गिरीश खतिवडाले प्रस्तुत गरेका छन्। गीतले फुटबललाई खेल मात्र नभई जीवनशैली र अभिव्यक्तिको माध्यमका रूपमा प्रस्तुत गर्ने प्रयास गरेको छ।

युनिलिभर नेपालकी मार्केटिङ हेड सुरभी गोस्वामीका अनुसार, आजको फुटबल केवल प्रदर्शन नभई अभिव्यक्तिको माध्यम बनेको छ र अभियानले नेपाली युवाको खेल अनुभवसँग जोडिने लक्ष्य राखेको छ।

त्यस्तै, युनिलिभर नेपालका प्रबन्ध निर्देशक अम्लान मुखर्जीले अभियानले अन्तर्राष्ट्रिय फुटबल ऊर्जा र नेपाली उपभोक्ता संस्कृतिलाई जोड्ने प्रयास गरेको बताएका छन्।

अभियानअन्तर्गत उपभोक्ताका लागि विशेष ‘CR7 हेयरकट, वास एण्ड स्टाइलिङ अनुभव’ समेत उपलब्ध गराइनेछ। दराजमार्फत रोनाल्डो प्याक खरिद गर्ने ग्राहकहरूले काठमाडौंका चयनित सैलुनमा निःशुल्क सेवा प्राप्त गर्न सक्नेछन्।

कम्पनीले डिजिटल अभियान, टिकटकर चुनौती, सामग्री निर्माण गतिविधि र सामाजिक सञ्जालमार्फत अभियानलाई विस्तार गर्ने जनाएको छ। साथै, क्लियर मेनका विभिन्न एन्टी-ड्यान्ड्रफ उत्पादनहरू देशभरका खुद्रा तथा अनलाइन माध्यममा उपलब्ध छन्।

यो अभियानले फुटबल, युवा संस्कृति र ब्रान्ड अनुभवलाई एउटै प्लेटफर्ममा जोड्ने प्रयास गरेको छ।