पूर्वविशिष्टहरूले प्रयोग गरिरहेका सवारी साधनको विवरण तत्काल उपलब्ध गराउन प्रधानमन्त्री कार्यालयको गृहलाई निर्देशन

यस कदमबारे जानकारी दिँदै प्रधानमन्त्री बालेन शाहकी प्रेस तथा अनुसन्धान विज्ञ दीपा दाहालले राज्यकोषको दुरुपयोग रोक्न र सुशासन कायम गर्न सरकारले कडाइका साथ विवरण माग गरेको बताइन् ।

उनका अनुसार कानुनले तोकेभन्दा बाहिर गएर लिइएका सुविधाको पहिचान गरी प्रणालीलाई पारदर्शी बनाउनु यो निर्देशनको मुख्य उद्देश्य हो।

विगत लामो समयदेखि पूर्वविशिष्टहरूले मापदण्डविपरीत सरकारी स्रोत–साधनको प्रयोग गरिरहेको भन्दै आलोचना भइरहेका बेला सरकारले यो सक्रियता देखाएको हो ।

गृह मन्त्रालयबाट प्राप्त हुने विवरणको आधारमा मापदण्डभन्दा बढी सुविधा लिनेहरूको सवारी साधन फिर्ता गर्ने र प्रक्रियालाई थप व्यवस्थित बनाउने सरकारको तयारी छ।

सो विवरण प्रप्त भएसँगै पूर्वविशिष्ट पदाधिकारीहरूले प्रयोग गरिरहेको सवारी साधनहरुलाई प्रधानमन्त्री कार्यालयले तान्न निर्देशन दिने प्रधानमन्त्रीको सचिवालयले जना्एको छ ।