रामेछापमा निर्वाचनमा खटिएका कर्मचारी सवार गाडी दुर्घटना हुँदा एक जनाको मृत्यु
Published On : 2 March, 2026 6:03 pm
काठमाडौं, २१ फागुन । रामेछापमा निर्वाचनमा खटिएका कर्मचारी सवार गाडी दुर्घटनामा एक जनाको मृत्यु भएको छ । रामेछापका प्रमुख जिल्ला अधिकारी श्यामकृष्ण थापाका अनुसार रामेछाप नगरपालिका–२ सिरुबारी भन्ने ठाउँमा ना ७ ख ६७६८ नम्बरको बोलेरो जित दुर्घटनामा हुँदा एक जनाको मृत्यु भएको हो ।
सो जिप भिरबाट खस्दा एक जना सुरक्षाकर्मीको मृत्यु भएको हो । उक्त जिपमा निर्वाचनमा खटिएका कर्मचारीदेखि सुरक्षाकर्मी समेत थिए ।
गाडीमा निर्वाचन सामग्रीसहित १०÷११ जना निर्वाचनमा खटिएका कर्मचारी थिए । अहिले उद्धारको काम भइरहेको र थप विवरण आउन बाँकी रहेको प्रमुख जिल्ला अधिकारी थापाले जानकारी दिए । उद्धार कार्यलाई तिब्र बनाएको छ । कति जना घाइते भएका छन् भन्ने विवरण आएको छैन ।
प्रतिक्रिया दिनुहोस्