सुन र चाँदीको भाउ आज फेरि बढ्यो

काठमाडौं, २० माघ । नेपाली बजारमा सुनको भाउ आज फेरि बढेको छ ।

तीन दिन निरन्तर घटिरहेको सुनको भाउ आज मंगलबार तोलामा ३ हजार ७ सय रुपैयाँले बढेको नेपाल सुनचाँदी व्यवसायी महासंघले जनाएको छ ।

मंगलबार सुनको भाउ प्रतितोला २ लाख ९० हजार ३ सय रुपैयाँ कायम छ ।

आइतबारको तुलनामा हिजो सोमबार सुन प्रतितोला १३ हजार ४ सय रुपैयाँले घटेर २ लाख ८६ हजार ६ सय रुपैयाँ कायम थियो ।

आज चाँदीको भाउ पनि बढेको छ । चाँदी प्रतितोला १ सय ३५ रुपैयाँले बढेर ५ हजार ३ सय ३५ रुपैयाँ कायम छ ।

हिजो सोमबार चाँदी ५ हजार २ सय रुपैयाँमा किनबेच भएको थियो । यसले सुनको मुल्य घटबढले अन्योलता छाएको छ ।