डिजल र मट्टीतेलको मूल्य प्रतिलिटर तीन रुपैयाँ बढ्यो, पेट्रोल र एलपी ग्याँसको मुल्य यथावत
काठमाडौं, १८ माघ । नेपाल आयल निगमले डिजल र मट्टीतेलको मूल्य बढाएको छ भने पेट्रल र खाना पकाउने एलपी ग्याँसको मुल्य यथावत राखेको छ । निगम सञ्चालक समितिको बैठकले डिजल र मट्टीतेलमा प्रतिलिटर तीन रुपैयाँको दरले मूल्य बढाएको हो ।
बढेपछि कायम हुने नयाँ मूल्य आज मध्यरात १२ बजेदेखि लागू हुने निगमले जनाएको छ ।
मूल्य बढेसँगै पहिलो वर्ग समूहमा पर्ने क्षेत्रमा डिजेल र मट्टितेलको मूल्य १३६ रुपैयाँ ५० पैसा पुगेको छ ।
यसैगरी दोस्रो वर्ग समूहका क्षेत्रमा १३८ रुपैयाँ र तेस्रो वर्ग समूहका क्षेत्रमा १३९ रुपैयाँ ५० पैसा पुगेको छ ।
पहिलो वर्गमा चारआली, विराटनगर, जनकपुर, अमलेखगञ्ज, भलबारी, नेपालगञ्ज, धनगढी र वीरगञ्ज पर्दछन् ।
दोस्रो वर्गमा सुर्खेत र दाङ तथा तेस्रो वर्गमा काठमाडौं, पोखरा र दिपायल पर्दछन् ।
निगमका अनुसार पेट्रोल र खाना पकाउने ग्याँसको मूल्यमा भने हेरफेर गरिएको छैन ।
यसैगरी हवाई इन्धन आन्तरिकतर्फ प्रतिलिटर १ रुपैयाँले र अन्तर्राष्ट्रियतर्फ काठमाडौंको लागि प्रतिकिलोलिटर ७ अमेरिकी डलरले घटाइएको छ ।
अन्तर्राष्ट्रियतर्फ पोखरा र भैरहवाका लागि भने ब्रेकइभन पोइन्टमा बिक्री मूल्य कायम गरिएको निगमले जनाएको छ ।
प्रतिक्रिया दिनुहोस्