बुटवल–पाल्पा सडकखण्डको स्थलगत निरीक्षण

dGqL dxf;]7 ;8s cjnf]sg ef}lts, k”jf{wf/ tyf oftfoft dGqL /3’jL/ dxf;]7 a’waf/ l;4fy{ /fhdfu{sf] kfNkf–a’6an ;8sv08sf] l;4afaf If]qdf hf]lvdk”0f{ ;8ssf] :ynut cjnf]sg ub}{ . tl:a/ M s[i0f bgf{n, kfNKff, /f;;

रुपन्देही । भौतिक पूर्वाधार तथा यातायातमन्त्री रघुवीर महासेठले सिद्धार्थ राजमार्गको बुटवल–पाल्पा सडकखण्डको सिद्धबाबा पहिरोको बुधवार स्थलगत निरीक्षण गरेका छन् ।

स्थलगत अनुगमनपछि उनले सिद्धार्थ राजमार्गअन्तर्गत बुटवलको चिडिया खोलादेखि पाल्पाको दोभानसम्म सुरुङमार्ग निर्माण थालिने जानकारी दिए । मन्त्री महासेठले एक साताभित्र प्रतिवेदन बुझाउन निर्देशन दिँदै नयाँ आर्थिक वर्षबाट नै सुरुङमार्गको काम शुरु गरिने पनि उनले बताए ।

यस्तै पाल्पाका प्रतिनिधिसभाका सांसद सोमप्रसाद पाण्डेले तल्लो सिद्धबाबादेखि माथिल्लो सिद्धबाबासम्म झण्डै तीन किमी सडक क्षेत्र जोखिममा रहेको बताए । यो सडकखण्डमा वर्षामा मात्रै होइन हिउँदमा समेत सुक्खा पहिरो खसेर अनेकौँले ज्यान गुमाएका छन् । अहिलेसम्म साना–ठूला गरेर तीन किमी क्षेत्रमा ११३ वटा पहिरो खसेको छ ।

पाल्पा जिल्ला समन्वय समितिका सभापति दया बस्नेतले १० वर्षको अवधिमा पहिरोबाट ७० जनाको मृत्यु भएको जानकारी दिए । सडकखण्डमा ढुङ्गे पहिरो खस्दा र दुर्घटना भएर १० वर्षमा १८ बस, सात ट्रक, कार, जिप, नौ र मोटरसाइकल १९ दुर्घटनामा परेका छन् ।