रेडपाण्डाको छालासहित पक्राउ

काठमाडौं । दुर्लभ वन्यजन्तु रेडपाण्डाको छालासहित प्रहरीले एक जनालाई पक्राउ गरेको छ। महानगरीय प्रहरी वृत्त बालाजुको टोलिले बिशेष सूचनाको आधारमा बुधबार रसुवा कालिका गाउँपालिका -३ राम्चेका काजी तामाङलाई बालाजु क्षेत्रबाट पक्राउ गरेको हो। तामाङ माथि बालाजु प्रहरीले थप अनुसन्धान जारी राखेको महानगरीय प्रहरी परिसर काठमाडौंका प्रवक्ता प्रहरी नायव उपरीक्षक मोहन थापाले जानकारी दिए।