सुनको भाउ तोलामै दुई हजार घट्यो

काठमाडौं, १० कात्तिक । नेपाली बजारमा सोमबार सुनको मूल्य तोलामा दुई हजार रुपैयाँ घटेको छ ।

आज सोमबार नेपाल सुनचाँदी व्यवसायी महासंघले छापावाल सुनको भाउ प्रतितोला आज २ हजार घटाएर २ लाख ३९ हजार ९ सय रुपैयाँ तोकेको हो ।

त्यसैगरी, चाँदी तोलामा ३५ रुपैयाँले घटेर २ हजार ९ सय ८० रुपैयाँमा कारोबार भइरहेको छ ।

तिहार बिदापछि आइतबार बजार खुल्दा सुन तोलामा ११ हजार ६ सय रुपैयाँ घटेको थियो ।