सबैभन्दा धनी मन्त्री देखिए रघुबीर महासेठ, थापा रहिन् गरीब

ओली सरकारका मन्त्रीहरुको सम्पत्ति विवरण सरकार बनेको तीन महिना पुगिसकेपछि मात्रै सार्वजनिक भएको हो । यसअघि गत आइतवार बसेको मन्त्रिपरिषद्को बैठकले सरकारका सबै सदस्यको सम्पत्ति विवरण सार्वजनिक गर्ने निर्णय गरेको थियो ।

१८ मन्त्रीमध्ये महिला, बालबालिका तथा ज्येष्ठ नागरिक मन्त्री थममाया थापा सबैभन्दा गरीब देखिएकी छिन् । मन्त्रि थापाको नाममा भने म्याग्दीको बेनीमा आमाले दिएको एउटा घर रहेको छ । त्यस्तै गरगहनामा एक तोला सुन, तीनवटा बैंकमा गरी १५ हजार रुपैयाँ बचत रहेको छ ।