आजदेखि बिदा बस्दै गभर्नर महाप्रसाद अधिकारी

काठमाडौं,५ चैत । नेपाल राष्ट्र बैंकका गभर्नर महाप्रसाद अधिकारी आजदेखि बिदामा बस्ने भएका छन् । गभर्नर अधिकारी १० दिन अनिवार्य विदामा बस्न लागेका हुन् । उनी चैत १५ गतेदेखि राष्ट्र बैंकमा फर्किनेछन् ।

गभर्नर महाप्रसाद अधिकारीको ५ वर्षे कार्यकाल यही चैत २४ गते सकिँदै छ । २०७६ चैत २४ गते नियुक्ति पाएका उनले चैत २५ गतेदेखि कार्यभार सम्हालेका थिए । उनको कार्यकाल सकिन लागेसँगै सरकारले गभर्नर नियुक्ति प्रक्रिया अगाडि बढाउने ३ सदस्यीय सिफारिस समिति गठन गरेको छ । यो सँगै गभर्नर बन्ने दर्जनौ आकांक्षीहरु देखापर्न थालेका छन् ।