सुनको मूल्यले पुनः बनायो नयाँ रेकर्ड

काठमाडौं,५ चैत । मंगलबार सुनको मूल्यले फेरी नयाँ रेकर्ड बनाएको छ । आज सुनको मूल्य तोलामा एक हजार १०० रुपैयाँले बढेर रेकर्ड बनाएको हो ।

नेपाल सुनचाँदी व्यवसायी संघका अनुसार छापावाल सुन प्रतितोला एक लाख ७५ हजार २०० रुपैयाँमा कारोबार भईरहेको छ । यसभन्दा पहिलो गत चैत १ गते शुक्रबार सुनको मूल्यले रेकर्ड बनाएको थियो ।

त्यसैगरि, चाँदीको मूल्य पनि तोलामा १० रुपैयाँले बढेको छ । आज चाँदी प्रतितोला दुई हजार ५० रुपैयाँमा कारोबार भइरहेको छ ।