आज पनि सुनको मूल्य सामान्य बढ्यो

काठमाडौं, ८ माघ । नेपाली बजारमा मंगलबार, आज पनि सुनको मूल्य सामान्य बढेको छ । यस दिन सुनको मूल्य प्रतितोला एक हजार १०० रुपैयाँले बढेको छ भने चाँदीको मूल्य तोलामा १५ रुपैयाँले बढेको हो।

नेपाल सुनचाँदी व्यवसायी महासङ्घका अनुसार आज छापावाला सुन प्रतितोला एक लाख ५८ हजार १०० रुपैयाँमा कारोबार भईरहेको छ । सोमबारको बजारमा छापावाला सुन प्रतितोला एक लाख ५७ हजार रुपैयाँमा खरिदबिक्री भएको थियो ।

त्यस्तै, चाँदीको मूल्य यस दिन प्रतितोला १५ रुपैयाँले बढेको छ । यस दिन चाँदी प्रतितोला एक हजार ८७५ रुपैयाँमा किनबेच भईरहेको छ । सोमबारको बजार चाँदीको मूल्य प्रतितोला एक हजार ८६० रुपैयाँमा किनबेच भएको थियो ।