सुनको मूल्यमा भारी वृद्धि, कतिमा हुँदैछ कारोबार ?

काठमाडौं,४ माघ । शुक्रबार नेपाली बजारमा सुनको मूल्य बढेको छ । आज सुनको मूल्य प्रतितोला १ हजार ३ सय रुपैयाँले बढेको हो ।

नेपाल सुनचाँदी व्यवसायी महासंघका अनुसार आज छापावाल सुन प्रतितोला एक लाख ५७ हजार ९ सय रुपैयाँमा कारोबार भईरहेको छ। अघिल्लो कारोबार दिन बिहिबार सुन प्रतितोला एक लाख ५६ हजार ६ सय रुपैयाँमा कारोबार भएको थियो।

त्यसैगरी, चाँदी तोलामा १० रुपैयाँले बढेको छ । आज चाँदी तोलाको १ हजार ८ सय ९० रुपैयाँमा कारोबार भईरहेको छ ।