तरकारी तथा फलफूलको भाउ सस्तिएसंगै, भान्सामा राहत

काठमाडौं, ११ पुस । कालीमाटी फलफूल तथा तरकारी बजार विकास समितिले बिहीबारका लागि तरकारी र फलफूलको मूल्य सार्वजनिक गरेको छ । सार्वजनिक गरेको मूल्य सूची अनुसार आज धेरै तरकारी र फलफूलको भाउ घटेको छ भने केहीको बढेको छ । यो घटाइले भान्सामा राहत पुगेको हो ।

आज लोकल सानो गोलभेँडाको भाउ घटेर प्रतिकेजी ५० रुपैयाँ, सानो गोलभेँडा (भारतीय) को मूल्य ७५ रुपैयाँ, सानो तराई गोलभेँडा ६७ रुपैयाँ ६७ पैसा, सुकेको प्याज ९भारतीय० ६२ रुपैयाँ ६७ पैसा, टाटे सिमी ४० रुपैयाँ, मटरकोशा १०५ रुपैयाँ, लौका ७५ रुपैयाँ, तराई परवर ९५ रुपैयाँ, डल्लो भन्टा ५५ रुपैयाँ, सेतो लोकल मूला ३७ रुपैयाँ ६७ पैसा तोकिएको छ ।

यसैगरी, आज लोकल बन्दा र स्थानीय काउलीको भाउ प्रतिकेजी ५० रुपैयाँ कायम भएको छ भने हरियो फर्सीको भाउ बढेर औसत मूल्य प्रतिकेजी ३५ रुपैयाँ, तितो करेला १०५ रुपैयाँ, लाम्चो भन्टा ६५ रुपैयाँ, सखरखण्ड ८५ रुपैयाँ, डल्ले च्याउ ३०० रुपैयाँ, चुकुन्दर ९५ रुपैयाँ, नेपाली सुन्तला ११० रुपैयाँ, लोकल काक्रो ११५ रुपैयाँ, हरियो खुर्सानी ६५ रुपैयाँ र माछे खुर्सानी ९५ रुपैयाँ पुगेको छ ।

तराई काउली २७ रुपैयाँ ६७ पैसा, बरेला र ब्रोकाउली प्रतिकेजी ५५ रुपैयाँ, कन्य च्याउ १३५ रुपैयाँ, झोले स्याउ २५० रुपैयाँ, सुकेको छ्यापी १५० रुपैयाँ, मुंगरी माछा ४२६ रुपैयाँ ६७ पैसा पुगेको छ ।