आज सुन चाँदी दुबै धातुको मूल्य सामान्य घट्यो

काठमाडौं,३ पुस । बुधबार सुन चाँदीको मूल्य सामान्य घटेको छ । आज सुनको मूल्य तोलामा ७ सय रुपैयाँले घटेको हो ।

नेपाल सुनचाँदी व्यवसायी महासंघका अनुसार आज छापावाल सुनको मूल्य प्रतितोला एक लाख ५० हजार ७ सय रुपैयाँमा कारोबार भईरहेको छ । अघिल्लो कारोबार दिन मंगलबार सुन प्रतितोला १ लाख ५१ हजार ४ सय रुपैयाँमा कारोबार भएको थियो ।

दुई दिन देखी स्थिर रहेको चाँदीको मुल्य आज भने तोलामा ५ रुपयाँले घटेको छ । आज चाँदी प्रतितोला १ हजार ८ सय ३५ रुपैयाँमा कारोबार भइरहेको छ ।