आज सुनचाँदी दुबै धातुको मूल्य सामान्य बढ्यो

काठमाडौं, ३० कात्तिक । शुक्रबार सुन र चाँदीको मूल्य सामान्य बढेको छ । यसदिन सुन प्रतितोला १०० रुपैयाँले र चाँदी तोलामा ५ रुपैयाँले बढेको हो ।

नेपाल सुन–चाँदी व्यवसायी महासंघका अनुसार आज छापावाल सुन प्रतितोला एक लाख ६० हजार १०० रुपैयाँमा कारोबार भइरहेको छ ।
निरन्तर मूल्य घटेको पाँचौ दिन पछि सुनको मूल्य सामान्य बढेको हो ।

आज चाँदीको भाउ तोलामा ५ रुपैयाँले बढेको छ । चाँदीको मूल्य प्रतितोला एक हजार ९१० रुपैयाँ खरिदबिक्री भइरहेको छ ।