सुन र चाँदी दुबै धातुको मूल्यमा गिरावट

काठमाडौं,२५ कात्तिक । आइतबार सुनको भाउमा गिरावट आएको छ । नेपाल सुनचाँदी व्यवसायी महासंघका अनुसार आज छापावाल सुनको भाउ तोलामा ५ सय रुपैयाँले घटेर प्रतितोला १ लाख ६६ हजार रुपैयाँमा कारोबार भइरहेको छ । गत शुक्रबार सुन प्रतितोला १ लाख ६६ हजार ५ सय रुपैयाँमा कारोबार भएको थियो ।

त्यस्तै, आईतबार चाँदीको भाउ पनि घटेको छ । आज चाँदीको भाउ प्रतितोला २० रुपैंयाँले घटेर तोलाको १ हजार ९६० रुपैयाँ कायम भई कारोबार भइरहेको छ । गत शुक्रबार चाँदी १९ सय ८० रुपैयाँमा कारोबार भएको थियो ।