आज सुनको मूल्यमा नयाँ रेकर्ड, तोलामै १४ सयले बढ्यो

काठमाडौं,११ कात्तिक । आइतबार पहेलो धातु सुनको मूल्य बढेर हाल सम्मकै उच्च तहमा पुगेको छ । पछिल्लो समय दिनहुँ रुपमा बढिरहेको सुनको मूल्यले आज पनि नयाँ रेकर्ड बनाएको हो । आज सुनको मूल्य तोलामा १४ सय रुपैयाले बढेको हो ।

नेपाल सुनचाँदी व्यवसायी महासंका अनुसार आज छापावाल सुनको मूल्य प्रति तोला एक लाख ६७ हजार ४ सय रुपैयाँमा कारोबार भईरहेको छ ।

त्यसैगरी, आज चाँदीको मूल्य पनि तोलामा १५ रुपैयाँले बढेको छ । आज चाँदीको मूल्य प्रतितोला २ हजार ८५ रुपैयाँमा कारोबार भइरहेको छ ।