सुनचाँदी दुबै धातुको मूल्य सामान्य घट्यो, कतिमा हुदैछ कारोबार ?

काठमाडौं,१४ भदौ । हप्ताको अन्तिम दिनको कारोबारमा सुनको मूल्य सामान्य घटेको छ । आज छापावाला सुनको मूल्य बिहिवारको तुलनामा ३०० रुपैयाँले घटेको हो ।

नेपाल सुनचाँदी व्यवसायी महासंघका अनुसार शुक्रबार सुनको मूल्य प्रतितोला १ लाख ५२ हजार ९०० रुपैयाँमा कारोबार भइरहेको छ ।

त्यसैगरि, आज चाँदीको मूल्य पनि सामान्य घटेको छ । चाँदीको मूल्य तोलामा १० रुपैयाँले घटेर १ हजार ८२० रुपैयाँ कायम भएको छ ।