घट्यो सुनचाँदी दुबैको मूल्य, कतिमा हुँदैछ कारोबार ?

काठमाडौं,६ भदौ । बुधबार उच्च मूल्य रेकर्ड बनाएको सुन बिहीबार भने घटेको छ । आज सुनको भाउ तोलामा ११ सय रुपैयाँ घटेको हो ।

नेपाल सुनचाँदी व्यवसायी महासंघका अनुसार हिजो प्रतितोला १ लाख ५३ हजार रुपैयाँ रहेको सुन बिहीबार १ लाख ५१ हजार ९ सय रुपैयाँ कायम भएको छ ।

त्यस्तै, चाँदीको मूल्य पनि तोलामा ५ रुपैयाँ घटेको छ । अघिल्लो दिन प्रतितोला १८३५ रुपैयाँ रहेको चाँदी आज १८३० मा कारोबार भइरहेको छ ।