सुनको मूल्यमा एकपछि अर्को उच्च रेकर्ड, तोलाकै मूल्य १ लाख ४५ हजार

काठमाडौ,२५ जेठ । आज सुनचाँदीको मूल्यले उच्च रेकर्ड बनाएको छ । सुक्रबार तोलामा १ हजार रुपैयाँले बढेको छ । यस दिन छापावाला सुन प्रतितोला १ लाख ४५ हजार रुपैयाँमा कारोबार भइरहेको छ । यो हालसम्मकै उच्च मूल्य हो ।

त्यस्तै, आज तेजावी सुन पनि १ हजार रुपैयाँले नै बढेको छ । आज तेजावी सुन प्रतितोला १ लाख ४४ हजार २५० रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ ।

त्यस्तै, चाँदीको मूल्य भने ५० रुपैयाँले बढेको छ । आज चाँदी तोलाको १ हजार ९०० रुपैयाँमा कारोबार भइरहेको छ ।