आज सुन चाँदीको मूल्य सामान्य बढ्यो

काठमाडौं,१५ जेठ । हप्ताको तेस्रो दिन आज सुन चाँदीको मूल्य सामान्य बढेको छ । छापावाल सुनको मूल्य आज प्रतितोला ४ सय रुपैयाले बढेर प्रतितोला १ लाख ३७ हजार ६ सय रुपैयाँमा कारोबार भइरहेको छ ।

त्यसैगरि आज तेजावी सुन पनि ४ सय रुपैयाँले नै बढेर तेजावी सुन प्रतितोला १ लाख ३६ हजार ९५० रुपैयाँमा कारोबार भइरहेको छ ।

त्यस्तै, आज चाँदीको भाउ ४० रुपैयाँले बढेर तोलामा १ हजार ९ सय २० रुपैयाँमा कारोबार भइरहेको नेपाल सुनचाँदी महासंघले जनाएको छ ।