सुनचाँदीको मूल्यमा सामान्य गिरावट

काठमाडौं,३१ वैशाख । सोमबार सुनचाँदीको मूल्यमा सामान्य गिरावट भएको छ । आज सुनको मूल्य प्रतितोला ३०० रुपैयाँले घटेको छ भने चाँदीको मूल्य प्रतितोला १० रुपैयाँले घटेको हो ।

नेपाल सुनचाँदी व्यवसायी महासंघका अनुसार आज छापावाला सुन प्रतितोला एक लाख ३८ हजार १०० रुपैयाँ र तेजावी सुन प्रतितोला एक लाख ३७ हजार ४५० रुपैयाँमा कारोबार भईरहेको छ ।

त्यस्तै, चाँदीको मूल्य १० रुपैयाँले घटेको छ । आज चाँदी प्रतितोला एक हजार ७१५ रुपैयाँमा कारोवार भइरहेको छ ।