सुनको मूल्य घट्यो, चाँदी स्थिर

काठमाडौं,२१ वैशाख । आज सुनको मूल्य घटेको छ भने चाँदीको भाउ स्थिर रहेको छ । छापावाल सुन प्रतितोला ११ सय रुपैयाँले घटेर १ लाख ३५ हजार ४ सय रुपैयाँमा कारोबार भइरहेको छ ।

त्यस्तै, तेजावी सुन मूल्य प्रतितोला १ लाख ३४ हजार ७ सय ५० रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ ।

शुक्रबार चाँदीको भाउ स्थिर रहेको छ । बिहिबार चाँदी प्रतितोला १ हजार ६ सय ४५ रुपैयाँमा कारोबार भएकोमा आज यहि मूल्यमा कारेबार भइरहेको छ ।