सुन र चाँदीको मूल्यमा वृद्धि

काठमाडौं,६ चैत्र । मंगलबार सुन र चाँदीको मूल्य बढेको छ । आज सुनको मूल्य प्रतितोला ७०० रुपैयाँले बढेको छ भने चाँदीको भाउ भने तोलामा ५ रुपैयाँले बढेको छ ।

नेपाल सुनचाँदी व्यवसायी महासँघका अनुसार आज छापावाला सुन प्रतितोला एक लाख २५ हजार २०० रुपैयाँ र तेजावी सुन प्रतितोला एक लाख २४ हजार ६०० रुपैयाँमा खरिद बिक्री भइरहेको छ ।

त्यसैगरी आज चाँदीको मूल्य ५ रुपैयाँले बढेको छ । मंगलबार चाँदीको मूल्य एक हजार ५२५ रुपैयाँमा कारोबार भइरहेको छ ।