आइतबार पनि घट्यो सुनको भाउ, चाँदीको भाउ भने बढेको छ

काठमाडौं,४ चैत । आइतबार सुनको भाउ सामान्य घटेको छ । सुनको भाउ तोलामा ४०० रुपैयाँले घटेको हो । चाँदीको भाउ भने तोलामा १५ रुपैयाँले बढेको छ ।

नेपाल सुनचाँदी व्यवसायी महासँघका अनुसार आइतबार छापावाला सुन प्रतितोला १ लाख २५ हजार रुपैयाँ र तेजाबी सुन प्रतितोला १ लाख २४ हजार ४०० रुपैयाँमा कारोबार भइरहेको छ ।

गत शुक्रबार पनि सुनको भाउ तोलामा ४०० रुपैयाँले घटेर छापावाला सुन प्रतितोला १ लाख २५ हजार ४०० रुपैयाँमा कारोबार भएको थियो ।

त्यस्तै आइतबार चाँदीको भाउ बढेको छ । चाँदी तोलामा १५ रुपैयाँले बढेर प्रतितोला १ हजार ५३० रुपैयाँमा कारोबार भइरहेकोे छ ।