सुन र चाँदी दुबैको भाउ घट्यो

कठमाडौं,१० फागुन । बिहीबार सुन र चाँदीको दुबैको मूल्य घटेको छ । यस दिन सुन तोलामा ४०० रुपैयाँले घटेको छ भने चाँदी तोलामा १५ रुपैयाँले घटेको छ ।

नेपाल सुनचाँदी व्यवसायी महासंघका अनुसार बिहीबार छापावाला सुन प्रतितोला १ लाख १८ हजार रुपैयाँमा कारोबार भइरहेको छ भने तेजाबी सुन प्रतितोला १ लाख १७ हजार ४५० रुपैयाँमा कारोबार भइरहेको छ ।

यस्तै बिहीबार चाँदी पनि तोलामा १५ रुपैयाँले घटेर प्रतितोला १ हजार ४०० रुपैयाँमा खरिदबिक्री भइरहेको महासंघले जनाएको छ । बुधबार चाँदी प्रतितोला १ हजार ४१५ रुपैयाँमा खरिदबिक्री भएको थियो ।